المريخ في وضع التقابل!

حدث فلكي هام مرَّ على كوكب المريخ بأنه ظهر لامعاً جداً في سماء مصر والوطن العربي، بسبب تقابله مع الشمس

حدث فلكي هام !!!!!
المريخ في وضع التقابل Mars At Opposition
التاريخ : 22 مايو 2016.
الحدث: كوكب المريخ سيظهر لامعا جدا في سماء مصر والوطن العربي .
الظاهرة : التقابل او ال Opposition هي ظاهرة فلكية تحدث حينما يشرق الكوكب تمام مع غروب الشمس ويغرب مع شروق الشمس ويكون في اعلي ارتفاع له في منتصف الليل ، اي أن الكرة الارضية ستقع بين الشمس وبين كوكب المريخ.
في يوم 22 مايو 2016 سيقع كوكب المريخ و كوكب الأرض و الشمس على استقامة واحدة ، الأرض في الوسط . هذه الظاهرة الفلكية التي تتكرر مرة كل 780 يوماً وتدعى ظاهرة التقابل Opposition .
كوكب المريخ اليوم ده هيكون علي بعد 75 مليون كم من الارض والمسافة دي هتخلي لمعانه الظاهري (Magnitude :-2.75 ) ، الرقم ده كل مابيكون بالسالب معناه انه الجرم السماوي بيكون لامع اكثر من الاجرام اللي درجة لمعانها بال (+) القمر ليلة البدر بيكون (-26) وحيث ان ابعد نقطة لكوكب المريخ عن الارض بيطلق عليها نقطة الاوج بتكون 102 مليون كم تقريبا ف دي هتكون فرصة عظيمة انك ترصده.
طيب ايه اهمية الظاهرة دي :
-تقدر ترصد وتصور كوكب المريخ في اقرب نقطه ليه ،بعينك المجردة هتشوفه نقطه حمرا لامعة في الافق الجنوب شرقي.
باستخدام التليسكوبات هتشوف الكوكب ذو السطح الاحمر ولو صورت هتشوف ال Polar Caps.
كوكب المريخ هو رابع كوكب من حيث بعد مداره عن الشمس . و يعرف بالكوكب الأحمر ، بسبب احمرار لون رماله التي تغطي معظم سطحه . و لهذا السبب عرفته الشعوب القديمة بأنه إله الحرب . قطره حوالي نصف قطر كوكب الأرض و يعادل 6794 كيلو متر و يدور حول الشمس مرة كل 686 يوماً . و يوم المريخ ( فترة دورانه حول نفسه ) تعادل أربعة و عشرين ساعة و 37 دقيقة و 22 ثانية .
التقابل القادم هيكون في 2018 يمكن يكون وضع العالم أحسن

- من د.عمرو عبدالوهاب ( رئيس جمعية مسجد مصطفى محمود الفلكية وجمعية Astrotrips)

share لمعرفة أكثر عن #الكون :)
Space Knowledge
#معرفة_الفضاء #المريخ #تقابل

seif